Óńirde bolǵan sońǵy jaǵdaılar Kaspıı teńiziniń mańyzyn arttyrdy. QR Prezıdenti Qasym-Jomart Toqaev altynshy Kaspıı samıtinde aıtty, dep habarlaıdy Almaty-akshamy.kz Inform.kz-ke silteme jasap.
«Buryn-sońdy bolmaǵan jahandyq daýyl» jaǵdaıynda Kaspıı teńiziniń mańyzy artýda. Óıtkeni onyń geostrategıalyq ornalasý jaǵdaıy, tabıǵı resýrstarǵa baılyǵy, biregeı tasymal áleýeti tartymdy. Aqtaý samıti búkil álem qaýymdastyǵyna Kaspıı jaǵasyndaǵy elderdiń asa kúrdeli máselelerdi beıbit jolmen, tatý kórshilik qatynastar arqyly sheshe alatynyn kórsetti», - dedi Memleket basshysy.
Prezıdent Kaspıı teńiziniń quqyqtyq mártebesi týraly qujattyń bekitilýin sonyń aıǵaǵy retinde atady.
«Kóp jyldarǵa jalǵasqan kelissózderden keıin Kaspıı teńiziniń quqyqtyq mártebesi týraly konvensıaǵa qol qoıylýy osynyń aıqyn kýási. Bul qujat bes jaqty ara-baılanysty keshendi tereńdetýge irgetas bolady, - dedi Qasym-Jomart Toqaev.