Prezıdent Qasym-Jomart Toqaev BUU Bas Assambleıasynyń 77-sessıasyna qatysý úshin Nú-Iorkke jumys saparymen keldi, dep habarlaıdy Almaty-akshamy.kz Aqordanyń baspasóz qyzmetine silteme jasap.
Memleket basshysy 19 qyrkúıekte JPMorgan Chase & Co, Citi, Goldman Sachs, NASDAQ sekildi jahandyq qarjy ınstıtýttarynyń basshylarymen kezdesý ótkizedi.
Sonymen qatar Qasym-Jomart Toqaev Boeing, ExxonMobil, General Electrics, Wabtec, Microsoft sıaqty transulttyq kompanıalardyń jetekshilerimen, sondaı-aq sarapshylar tobynyń ókilderimen kezdesedi.
20 qyrkúıekte Prezıdent BUU Bas Assambleıasynyń Jalpy debatynda sóz sóıleıdi.
Budan bólek, BUU Bas hatshysymen, Eýropalyq Odaq basshylyǵymen jáne birqatar memleket basshylarymen olardyń ótinishi boıynsha kezdesýler ótkizý josparlanyp otyr.
Qasym-Jomart Toqaev Azyq-túlik qaýipsizdigi jónindegi jahandyq samıtke de qatysady.