Elimiz óz jarqyn bolashaǵy úshin belsendi túrde daýys berip jatyr.
Prezıdenttikten úmitker Qasym-Jomart Toqaev Astanadaǵy Oqýshylar saraıynda ornalasqan №58 saılaý ýchaskesinde daýys berip, bul kúndi óte mańyzdy tarıhı kún dep atady, dep habarlaıdy Almaty-akshamy.kz QazAqparatqa silteme jasap.
«Eń aldymen, barshańyzdy quttyqtaımyn. Búgin - óte mańyzdy tarıhı kún. Elimiz óz jarqyn bolashaǵy úshin belsendi túrde daýys berip jatyr. Bári durys bolady dep oılaımyn.Shyn máninde, bul jyl ońaı bolǵan joq. Biraq halqymyz jumylyp, qıyndyqtardy eńserdi. Endi aldymyzda turǵan óte aýqymdy mindetter, maqsattar bar», - dedi Prezıdent daýys berý rásiminen keıin BAQ ókilderine bergen suhbatynda.
Atalǵan saılaý ýchaskesiniń tóraıymy Qymbat Muqanovanyń aıtýynsha, atalǵan ýchaskede 2627 adam tirkelgen. Qazirgi ýaqytta onyń 209 saılaýshy daýys berip úlgergen.
Qasym-Jomart Toqaevtyń kandıdatýrasyn birneshe saıası partıa men respýblıkalyq qoǵamdyq birlestik halyqtyq koalısıa retinde usyndy. Ortalyq saılaý komısıasy Qasym-Jomart Toqaevti 12 qazanda úmitker retinde tirkedi.
Qasym-Jomart Toqaevty qoldaý jónindegi Respýblıkalyq qoǵamdyq shtab ókilderi elimizdiń barlyq óńirlerin aralap shyqty.