Aqyn, halyqaralyq «Alash» ádebı syılyǵynyń laýreaty Ádilǵazy Qaıyrbekov №624 saılaý ýchaskesine baryp, Prezıdentke laıyqty kandıdatqa daýys berdi.
«Bir ereksheligi, jastarymyz saılaýǵa belsene qatysyp jatyr. Bul – qýantarlyq jaǵdaı. Ár azamat el taǵdyry aıqyndalar sátte ózderiniń daýsy mańyzdy ekenin biledi.
Qarapaıym azamat retinde men memleketti basqarý tizginin kimge senip tapsyryp jatqanymyzǵa beıjaı qaraı almaımyn. Bizdiń árqaısymyzdyń daýysymyz balalarymyz ben nemerelerimizdiń bolashaǵyna tikeleı áserin tıgizedi.
Meniń oıymsha, memleket basshysy halyqtyń senimine ıe, el azamattarynyń ıgiligi úshin qyzmet etetin tulǵa bolýy kerek.
Men daýys bergen kandıdat ulttyq ıdeıa men ádiletti qoǵam qurýǵa jol kórsetýmen qatar, memlekettik tildiń damýyna erekshe kóńil bóledi dep senemin. Men úmitimdi aqtaıtyn adamǵa daýys berdim», - dedi ol.