Prezıdent Qasym-Jomart Toqaev Ázerbaıjan Respýblıkasyna memlekettik saparmen keldi, dep habarlaıdy almaty-akshamy.kz
Geıdar Álıev atyndaǵy halyqaralyq áýejaıda Qazaqstan Prezıdentin Ázerbaıjan Premer-mınıstriniń birinshi orynbasary Iagýb Eıýbov pen Syrtqy ister mınıstriniń orynbasary Samır Sharıfov qarsy aldy.
Budan soń Qasym-Jomart Toqaev Ázerbaıjan Prezıdentiniń «Zagýlba» rezıdensıasyna keldi
Rezıdensıada Qazaqstan Prezıdentin saltanatty túrde qarsy alý rásimi ótti.
Qurmet qaraýylynyń bastyǵy eki el basshylaryna raport berdi. Qazaqstan men Ázerbaıjannyń memlekettik ánurandary shyrqalǵannan keıin Qasym-Jomart Toqaev pen Ilham Álıev bir-birine resmı delegasıa múshelerin tanystyrdy.
Saltanatty rásimnen keıin eki el basshylary kelissóz zalyna ótti.