Bul qyzmetke Aıdyn Ashýev keldi.
Aıdyn Ashýev «Áleýmettik medısınalyq saqtandyrý qory» komersıalyq emes aksıonerlik qoǵamynyń basqarma tóraǵasy bolyp taǵaıyndaldy, dep habarlaıdy Almaty-akshamy.kz.
«QR Densaýlyq saqtaý mınıstriniń 2022 jylǵy 27 qańtardaǵy buıryǵymen «Áleýmettik medısınalyq saqtandyrý qory» KEAQ Basqarma Tóraǵasy bolyp Ashýev Aıdyn Jumabekuly taǵaıyndaldy», - delingen DSM baspasóz qyzmetiniń habarlamasynda.
Ashýev Aıdyn Jumabekuly 1976 jyly 26 qazanda dúnıege kelgen. Qazaq memlekettik basqarý akademıasyn «Ekonomıs» mamandyǵy boıynsha bitirgen.
Óz qyzmetin jeke uıymda menedjer retinde bastady.
1999 jyldan bastap Qazaqstan Respýblıkasy Statısıka agenttiginde ártúrli laýazymdarda qyzmet atqardy.
Saqtandyrý uıymdarynda jumys tájirıbesi bar. Qazaqstan Respýblıkasynyń Ádilet mınıstrliginde, «QazAgro» Ulttyq holdıńinde, «QazAgrogarant» AQ-da, Qazaqstan Respýblıkasy Tótenshe jaǵdaılar mınıstrligi Memlekettik materıaldyq rezervter komıtetiniń «Rezerv» RMK-da jaýapty laýazymdardy atqardy.
2016 jyldan 2019 jylǵa deıin «Amangeldi Gaz» JSHS Bas dırektorynyń ekonomıka jáne qarjy jónindegi orynbasary bolyp jumys istedi.
2019 jyldan 2021 jyldyń qańtaryna deıin Memlekettik satyp alý komıtetiniń tóraǵasy, Qazynashylyq komıtetiniń tóraǵasy, Qazaqstan Respýblıkasynyń Qarjy mınıstrliginde jaýapty hatshy laýazymdaryn atqardy.
2021 jylǵy qańtardan bastap Qazaqstan Respýblıkasy Prezıdenti Ákimshiliginiń memlekettik ınspektory qyzmetinde boldy.