Qaraǵandydan osymen jetinshi kún jylýsyz otyrǵan Ekibastuz qalasyna qalpyna keltirý jumystaryna at alysý úshin qurylys jáne komýnaldyq kásiporyndardyń bir top qyzmetkeri attandy, dep habarlaıdy Almaty-akshamy.kz Inform.kz-ke silteme jasap.
Qaraǵandy qalasynyń ákimi Ermaǵanbet Bólekbaev paraqshasynda Ekibastuzda jylýmen qamtýdy qalpyna keltirý úshin Qaraǵandydan 70 maman jolǵa shyqqanyn jazdy.
«Oblys ákiminiń tapsyrmasy boıynsha qurylys jáne komýnaldyq kásiporyndar qyzmetkerlerinen brıgada quryldy. Kúndiz qajetti quraldarmen jáne tehnıkamen tolyq jabdyqtalǵan mamandarymyz Ekibastuzǵa attandy. Qazirgi ýaqytta olar qajetti jumystarǵa kiristi. «Energosentr» JSHS,»Qaraǵandy Sý» JSHS, qalanyń qurylys kompanıalary men barlyq qaraǵandylyqtarǵa shyn júrekten alǵys aıtamyn», - dep jazdy ol.