Qaraǵandy oblysynyń Shet aýdanynda jergilikti deńgeıde tótenshe jaǵdaı jarıalandy.
Aýdanda 3 eldi mekendi sý basty. Qutqarýshylar 292 adamdy qaýipsiz jerge shyǵardy, dep habarlaıdy Almaty-akshamy.kz 24.kz-ke silteme jasap.
Jartysyna jýyǵy – balalar. Sherýbaı-Nura ózeninde sý kóterilip, Qaıraqty aýylynda 9 úıge sý kirdi. 67 turǵyn ýaqytsha Aqsý-Aıýly aýylyndaǵy týystaryna ornalastyryldy. Qazir ózen arnasyna qum toltyrylǵan qaptar qoıylyp, bóget ornatylyp jatyr. Al Aqsý aýylynda 24 úıdi sý basyp, 120-ǵa jýyq turǵyn qaýipsiz jerge kóshirildi. Deripsal aýylynda da birneshe baspanaǵa qarǵyn sý kirgen. Jalpy óńirdegi ahýal baqylaýda, Tótenshe jaǵdaılar departamentindegi sý tasqynyna qarsy shtaby táýlik boıy jumys istep tur. Óńirdegi gıdrotehnıkalyq nysandarda, sý qoımalarynda jaǵdaı qalypty.
«Oblys ortalyǵynan da kúsh quraldary jumyldyrylyp, sonyń saldarynan osy aýdanda oryn alǵan TJ zalalyn azaıtty deýge tolyq negiz bar. Búgingi kúni arnaıy komısıa quryldy. Úılerge kelgen shyǵyn eseptelip, sonyń negizinde árqaısysyna tıisti kómek kórsetiledi», - deıdi Shet aýdanynyń ákimi Muhıt Muhtarov.