Memleket basshysynyń Jarlyǵymen Qaraǵandy oblysynyń ákimi bolyp Ermaǵanbet Bólekpaev taǵaıyndaldy. Buǵan deıin ol Qaraǵandy qalasy ákimi bolǵan, dep habarlaıdy Almaty-akshamy.kz.
Qaraǵandy oblystyq máslıhatynyń otyrysyna 200 depýtattyń 178-i qatysty. Halyq qalaýlylarynyń 40-y Serjan Aımaqovtyń, 138-i Ermaǵanbet Bólekpaevtyń kandıdatýrasyn jaqtap daýys berdi.
«Ermaǵanbet Qabdululy Bólekpaev Qaraǵandy oblysynyń ákimi bolyp taǵaıyndalsyn», - delingen Jarlyq mátininde.
Ermaǵanbet Bólekpaev 1975 jyly 2 qyrkúıekte Qaraǵandy oblysy, Shet aýdany, Óspen aýylynda dúnıege kelgen. 1996 jyly E.A. Bóketov atyndaǵy Qaraǵandy memlekettik ýnıversıtetiniń ekonomıka fakúltetin bitirgen.
Eńbek jolyn 1996 jyly «Kazkommersbank» AAQ Temirtaý fılıalynda ekonomıs bolyp bastaǵan. 1997 jyldan 1998 jylǵa deıin Astanadaǵy «Bıznes-Inform» AKO ókildiginiń dırektory qyzmetin atqardy. 1998 jyldyń qarashasynda Indýstrıa, energetıka jáne saýda mınıstrliginde eksporttyq baqylaý jáne lısenzıalaý departamentiniń bas mamany bolyp jumys isteı bastady. 2002 jyly osy vedomstvo bastyǵynyń orynbasary boldy.
2006 jyly Pavlodar oblysy ákimi apparaty basshysynyń orynbasary, sodan keıin 2006 jyldan 2008 jylǵa deıin Pavlodar oblysy, Pavlodar aýdanynyń ákimi boldy.
2008 jyldan 2009 jylǵa deıin Pavlodar oblysynyń kásipkerlik jáne ónerkásip basqarmasyn basqardy.
QR Memlekettik qyzmet isteri agenttiginiń Qaraǵandy, Ońtústik Qazaqstan oblystary jáne Nur-Sultan qalasy boıynsha basqarmasynyń aýmaqtyq basqarmasynyń bastyǵy - Tártiptik keńesiniń tóraǵasy qyzmetin atqardy
2013 jyldan 2018 jylǵa deıin Astanadaǵy Saryarqa, Almaty jáne Esil aýdandarynyń ákimi boldy.
2018 jyly Qazaqstan Respýblıkasy Prezıdenti Ákimshiliginiń memlekettik ınspektory bolyp taǵaıyndaldy.
2018 jyldan 2020 jylǵa deıin Qaraǵandy oblysy ákiminiń orynbasary qyzmetin atqardy.
2020 jyldyń qyrkúıeginen bastap Qaraǵandy qalasynyń ákimi bolyp taǵaıyndaldy.