Baǵa ósýiniń birneshe sebepteri bar.
Brent markaly munaıdyń álemdik baǵasy naýryz aıynyń sońynan beri alǵash ret barreline 120 dollardan (94,90 fýnt sterlıńten) joǵary ósti, dep habarlaıdy Almaty-akshamy.kz QazAqparatqa silteme jasap.
Sarapshylardyń baǵalaýynsha, baǵa ósimine Shanhaı men Beıjińdegi Covid-19 shekteýleriniń jeńildetilýi yqpal etti. Bul óz kezeginde Qytaı tarapynan munaıǵa degen suranysty arttyra alady.
Buǵan qosa, EO-nyń reseılik kómirsýtekter ımportyna tyıym salýy da energıa tasymaldaýshylar baǵasynyń ósýine ákeledi. Ulybrıtanıada benzınniń ortasha baǵasy lıtrine 172,7 penske deıin, al dızel otynynyń ortasha baǵasy lıtrine 182,7 penske deıin kóterilip, jyl basynan beri ortasha eseppen 26%-ǵa ósken. Janarmaı baǵasynyń turaqty ósimi jańa áleýmettik tólemderdi qarjylandyrý úshin Ulybrıtanıa Úkimetinen ústeme paıdaǵa qosymsha aqy alyp otyrǵan munaı kompanıalaryna paıda ákelýde.