15 mamyrda ótken Májilistiń jalpy otyrysynda UQK tóraǵasynyń orynbasary Marat Kólqobaev qańtar oqıǵasynan keıin komıtette qandaı jumystar atqarylǵanyn aıtty, dep habarlaıdy Almaty-akshamy.kz Zakon.kz-ke silteme jasap.
Marat Kólqobaevtyń aıtýynsha, qylmystyq jaýapkershilikke birqatar qyzmetkerler tartylǵan.
"Búgingi tańda UQK 11 qyzmetkerdi qylmystyq jaýapkershilikke tartyp jatyr. Biraq keıbir ister boıynsha tergeý aıaqtaldy. Olar qylmystyq jaýapkershilikke tartyldy. Bul qylmystyq qýdalaý týraly. Osymen qatar UQK dereý aýqymdy qyzmettik tergeý júrgizdi. Tártiptik talaptar men qyzmet tártibine, onyń ishinde laýazymdy tulǵalardyń jaýapkershiligine baılanysty kúrdeli ózgerister engizildi", - dedi Marat Kólqobaev
Otyrysta depýtattar ulttyq qaýipsizdikti qamtamasyz etý jáne Qazaqstan Respýblıkasynyń arnaýly memlekettik organdarynda qyzmet ótkerý týraly zań jobasyn qarap jatyr. Al bul qujat, Marat Kólqobaevtyń aıtýynsha, sonymen birge árbir sheneýniktiń is-áreketiniń belgili bir algorıtmi men patrıottyq sezimin oıatýǵa baǵyttalǵan.
"Búgingi kúni bizde úlken qyzmet bar. Áskerı qyzmetkerler de, arnaýly memlekettik organdardyń qyzmetkerleri de bar. Ár adamnyń belgili bir áreket algorıtmi bar, ol mindetti túrde zańǵa saı bolýy kerek", - Marat Kólqobaev
Buǵan deıin Bas prokýratýra Qazaqstandaǵy qańtardaǵy tártipsizdikter men odan keıingi memlekettik tóńkeris áreketi muqıat josparlanǵanyn habarlaǵan. Saıasattanýshy, Ulttyq Quryltaıdyń múshesi Qazbek Maıgeldınov bul jaǵdaı burynǵy UQK basshylyǵynyń bilgeni ábden múmkin dep esepteıdi.
24 sáýirde sot QR UQK eks-tóraǵasy Kárim Másimovke qatysty úkim shyǵardy.