Qazaqstandyq boksshy Gennadıı Golovkın ulttyq quramany Tashkentte (Ózbekstan) ótken 2023 jylǵy álem chempıonatyndaǵy tabysymen quttyqtady, dep habarlaıdy Almaty-akshamy.kz Vesti.kz saıtyna silteme jasap.
«Qazaqstan quramasyn Tashkentte ótken bokstan álem chempıonatyndaǵy tamasha nátıjemen quttyqtaımyz!» - dep Golovkın Instagram-paraqshasynda jazdy.
Qazaqstan tarıhı tabysyn qaıtalaǵanyn aıta ketken jón. Bes fınaldyń tórteýinde bizdiń boksshylar jeńiske jetti. 2013 jyly Almatyda ótken álem chempıonatynda da Qazaqstan quramasy tórt ret chempıon atanǵan bolatyn.
Sanjar Táshkenbaı (48 kelige deıin), Mahmud Sabyrhan (54 kelige deıin), Aslanbek Shymbergenov (71 kelige deıin) jáne Nurbek Oralbaı (80 kelige deıin) Tashkentte álem chempıony bolsa, Dýlat Bekbaýov (67 kelige deıin) kúmis júldeger atandy.