13 qazanǵa deıin jalǵasatyn shara barysynda 184 patrúldik ekıpaj jáne 911 polısıa qyzmetkeri jolaýshylar kóligin tekseretin bolady.
Shara bastalǵan kúni 46 ákimshilik quqyq buzýshylyq anyqtaldy, dep habarlaıdy Almaty-akshamy.kz Almaty qalasynyń polısıa departamentine silteme jasap.
«Bul shara jolaýshylar tasymaldaıtyn qoǵamdyq kólik júrgizýshileriniń jol qozǵalysy erejelerin buzýyn anyqtaý men jolyn kesýge, sondaı-aq avtobýstardyń tehnıkalyq jaǵdaıyn tekserýge baǵyttalǵan. Sharanyń maqsaty - júrgizýshilerdiń kóliktik tártibin jaqsartý, tehnıkalyq aqaýy bar nemese qaıta jabdyqtalǵan jolaýshylar kóliginiń qoldanysta júrý faktilerin anyqtaý jáne zańsyz jolaýshylar tasymalynyń jolyn kesý», - deıdi, jergilikti polısıa qyzmeti basqarmasynyń bastyǵy Manap Sattarov.
İs-sharanyń birinshi kúninde 46 ákimshilik quqyq buzýshylyq anyqtaldy. 29 júrgizýshige QR ÁQbK-niń 595-baby (manevr jasaý erejelerin buzý), 12-sine QR ÁQbK-niń 591-baby (kólik júrgizý kezinde telefondy paıdalanǵan) boıynsha hattama toltyryldy . Mamandandyrylǵan aıyppul turaǵyna 1 qoǵamdyq kólik ornalastyryldy. Ruqsat etilmegen 6 qoǵamdyq kólik pen taksı aıaldamasy joıyldy.