Qala ákimi qazirgi turǵyn úı qurylysynyń qarqynyna baılanysty ózekti máseleni kóterdi
Búginde Bostandyq aýdanynda, ásirese, «Mega sentr», «ADK» saýda ortalyqtarynyń, burynǵy jemis konservileý kombınatynyń janynda, sondaı-aq Sátbaev – Baıtursynov – Buqar jyraý kósheleri – Esentaı ózeni bóliginde turǵyn úı qurylysy qarqyndy júrýde, dep habarlaıdy Almaty-akshamy.kz
Osyǵan baılanysty, qazirgi qala basshysynyń tapsyrmasy boıynsha áleýmettik ınfraqurylym obektilerin mindetti túrde salý talaptaryn eskerile otyryp, qurylys salý tásilderi qaıta qaraldy.
«Buryn ruqsat berý kezinde qurylys salýshylardan bul qatań talap etilmegen, sondyqtan qazirgi «aýytqýlarǵa» alyp keldi. Qurylys máselelerin júıeli túrde sheshý úshin osy jyldyń mamyr aıynda Abaı dańǵylynyń ońtústiginde Shyǵys aınalma jolynan Iassaýı kóshesine deıin 9 qabattan bıik ǵımarat salýdy shekteıtin jańa Reglament qala máslıhatynyń bekitýine usynylady, ıaǵnı bul perımetrge barlyq Bostandyq aýdany kiredi», - dedi qala ákimi Erbolat Dosaev.