Bıyl «Bolashaq» baǵdarlamasy granttarynyń 60%-y ınjenerlik-tehnıkalyq mamandyqtarǵa bólindi.
Osyǵan oraı «Bolashaq» baǵdarlamasymen oqýǵa bolatyn joǵary oqý oryndarynyń tizimi álemniń 23 jetekshi tehnıkalyq ýnıversıtetimen tolyqty, dep habarlaıdy Almaty-akshamy.kz QazAqparatqa silteme jasap.
Olardyń qatarynda Eındhoven tehnıkalyq ýnıversıteti, Gambýrg ýnıversıteti, Lester ýnıversıteti, Pohang ǵylym jáne tehnologıa ýnıversıteti, Drezden tehnıkalyq ýnıversıteti jáne t.b.
Biz jyl saıyn ýnıversıtetterdiń geografıasyn keńeıtip otyramyz. Ótken jyly tizim Avstrıa, Chehıa, Irlandıa jáne Ońtústik Afrıka ýnıversıtetterimen tolyqty.
Jalpy tizimge QS World University Rankings, World University Rankings, Academic Rankings of World University Rankings halyqaralyq akademıalyq reıtıńteriniń 250 úzdik ýnıversıtetteri men BRÚQOA elderi ulttyq reıtıńteriniń 20 úzdik ýnıversıteti qataryndaǵy 27 eldiń 236 ýnıversıteti kiredi.