Reseı men Ortalyq Azıa elderi arasynda energetıkalyq qaýipsizdik salasyndaǵy yntymaqtastyq nyǵaıyp kele jatyr
«Ortalyq Azıa – Reseı» samıtinde Vladımır Pýtın Reseı men Ortalyq Azıa elderine birlesken energıa júıesin qurýdy usyndy, dep habarlaıdy Almaty-akshamy.kz BAQ.KZ-ke silteme jasap.
«Reseı Ortalyq Azıanyń tutas bolǵan energıa júıesin qalpyna keltirýge kómek kórsetýge daıyn. Bul aımaqtaǵy búkil memleketterdiń energetıkalyq qaýipsizdigin arttyrary anyq. Reseı men Ortalyq Azıa elderi arasynda energetıkalyq qaýipsizdik salasyndaǵy yntymaqtastyq nyǵaıyp kele jatyr. Bizdiń el Ortalyq Azıa elderiniń ekonomıkasyna jetekshi ınvestor. Batys kompanıalary men operatorlarynyń qajetsiz qatysýyn boldyrmaıtyn qarjylyq esep aıyrysý tetikterin qaıta qurý jáne qaıta retteý tetigi iske qosyldy», - dedi Vladımır Pýtın «Ortalyq Azıa – Reseı» samıtinde.
Aıtýynsha, SWIFT-tiń ornyna qazirdiń ózinde jaqsy qalyptasqan reseılik qarjylyq habarlama berý júıesine kóshýge bolady.
«Munaı tasymaldaý joldaryn keńeıtý, Kaspıı teńizinde energıa resýrstarynyń qoryn birlesip ıgerý, qoljetimdi jáne taza gaz motorly otynmen qamtamasyz etýdiń perspektıvasy zor. Sondaı-aq, qubyrlardy salý jáne keńeıtý, kómir saýdasy men ony Azıa naryǵyna tasymaldaý kólemin ulǵaıtý da mańyzdy», - deıdi Pýtın.
Sonymen qatar Reseı basshysynyń málimdeýinshe, tikeleı ınvestısıa kólemi shamamen - 5 mlrd dollarǵa jetken.