Reseılikter aqparattyq stendterdiń qolaıly etip ornalastyrylǵanyn jáne jalpy saılaý ýchaskeleriniń de yńǵaıly jerde ornalasqanyn atap ótti. Baqylaýshylar mundaı tájirıbeni óz elderinde de engizý kerek dep esepteıdi, al saılaýǵa kelý paıyzy boıynsha Pskov oblysynda da shamamen osyndaı kórsetkish bolady eken. QR Parlamentiniń Májilisi jáne Almaty qalasynyń máslıhat depýtattaryn saılaý boıynsha jalpyqalalyq baspasóz ortalyǵynyń alańynda 20 naýryz kúni brıfıń ótti, dep habarlaıdy Almaty-akshamy.kz
Birqatar halyqaralyq jáne jergilikti baıqaýshylar saılaýdy laıyqty deńgeıde, zańǵa sáıkes ótti dep esepteıdi. Mundaı ashyqtyq pen básekege qabilettilik deńgeıi Memleket basshysynyń saılaý júıesinde úlken ózgeristerge ákelgen saıası reformalarynyń arqasynda múmkin boldy.
Pskov oblysy (RF) Úkimetiniń İshkisaıasat basqarmasynyń mýnısıpaldy qurylymdardaǵyqoǵamdyq-saıası prosesterdi baqylaý bólimi basshysynyń orynbasary Alekseı Ponomarenko Almatyda saılaý saılaý zańnamasyn zań buzýshylyqsyz ótkenin basa aıtty. Ol daýys berý barysyn baqylaǵan qoǵamdyq baqylaýshylar men senimdi ókilder ókilderiniń kóptigin atap ótti.
«Saılaý komısıalarynyń daıyndyq deńgeıi aıtarlyqtaı joǵary. Saılaý óte jaqsy deńgeıde ótti, men saılaý komısıalarynyń kásibıligin, saılaý ýchaskeleriniń bezendirilýin, qolaıly ornalasaýyn atap ótkim keledi. Osynyń bári kez kelgen saılaýshy óz tańdaýyn sanaly túrde jáne barynsha yńǵaıly jasaı alatynyn kórsetedi», - dedi A.Ponomarenko óz sózinde.
Pskov oblysynan kelgen (RF) saılaý komısıasynyń múshesi Borıs Sokolov saılaýdyń Naýryz meıramy qarsańynda ótkeni bul sharaǵa erekshe sán kirgizgenin atap ótti. Máselen, 328-shi saılaý ýchaskesinde merekege oraı shatyrlar tigilip, saılaý komısıasynyń músheleri ulttyq kıim kıgen, bul kórinis kóterińki kóńil kúı syılady.
«Biz daýys sanaý kezinde de boldyq, bári zań aıasynda jasaldy. Baqylaýshylar sońyna deıin otyrdy, sol úshin olarǵa bólek alǵys aıtamyz. Jalpy saılaý abyroımen, tipti joǵary deńgeıde ótti», - dep jalǵastyrdy B.Sokolov.
Baspasóz ortalyǵyndaǵy jýrnalıserdiń suraqtaryna jaýap bergen halyqaralyq baqylaýshylar 100-den astam áriptesterimen pikir almasyp úlgergenderin aıtty.
Biraq saılaýǵa qatysýǵa keletin bolsaq, olar iri qalalar halyqtyń saılaýǵa degen qyzyǵýshylyǵynyń joǵarylaýymen erekshelenbeıtinin aıtty. Jáne bul qalypty jaǵdaı.
«Qalalarda bizdiń saılaýǵa qatysý kórsetkishi mýnısıpaldyq okrýgterge qaraǵanda tómen jáne shamamen 20-30% quraıdy. Qazaqstanǵa keletin bolsaq, mundada sondaı jaǵdaı. Adamdardyń obektıvti sebepteri bolýy múmkin, jáne jol júrip ketý sebepteri de bolýy múmkin», - dedi B.Sokolov.
Qorytyndylaı kele, Pskov oblysynan kelgen baıqaýshy saılaý ýchaskelerinde kandıdattar týraly aqparattyq stendterdi atap ótti.
«Kez kelgen qatysýshy saılaý ýchaskesine kelip, kandıdattar týraly aqparatpen tanysyp baryp, tańdaý jasaý múmkindigi boldy. Úgit-nasıhat jumystarynyń aıasynda bul jaıt biz úshin eskeretin jaıt», - dep túıindedi sózin B.Sokolov.
Halyqaralyq baqylaýshylardyń jumysy esep berýmen aıaqtalady.