101 qylmystyq is sotqa joldandy.
Bas prokýratýra mamandary qańtar aıynda oryn alǵan oqıǵalarǵa baılanysty júrgizilden jumystary týraly baıandady, dep habarlady Almaty-akshamy.kz.
Mamandardyń aıtýynsha, jedel tergeý toptarynyń óndirisinde sotqa deıingi 3 666 tergeý isteri bar. Terorızm aktileri men jappaı tártipsizdikter týraly isterden basqa, tonaý, urlyq, qarýdy urlaý, quqyq qorǵaý organdarynyń qyzmetkerlerine qatysty kúsh qoldaný faktileri tergelýde.
«Atalǵan sanattan 162 aıyptalýshyǵa qatysty 101 qylmystyq is sotqa joldandy. 62 adamǵa túrli jazalar kesildi. Almaty qalasy Almaly aýdandyq sotynyń úkimimen B.Ontaı jáne Ó.Jeńisqan «Alpamys» ańshylyq dúkeninen qarý urlaǵany úshin kináli dep tanyldy. Sot atalǵan adamdarǵa 5 jyl merzimge bas bostandyǵynan aıyrý jazasyn taǵaıyndady», – dedi QR BP 1 qyzmet bastyǵynyń orynbasary Eldos Qılymjanov Ortalyq komýnıkasıalar qyzmeti alańynda ótken brıfıń barysynda.