7 myńnan astam qandastar men qonys aýdarýshylar óńirlik kvotaǵa engizilgen.
2021 jyly etnıkalyq qandastardy qoldaýdy damytý úshin kóshýge beriletin sýbsıdıa mólsheri eki esege - 35 AEK-ten (107,2 myń teńge) 70 AEK-ke (214,4 myń teńge) deıin ulǵaıtyldy, dep habarlaıdy Almaty-akshamy.kz QR Eńbek jáne áleýmettik qorǵaý mınıstrligine silteme jasap.
Bul týraly mınıstrliktiń keńeıtilgen alqa otyrysy barysynda aıtqan vedomstvo basshysy Serik Shápkenov 2021 jyly 7 myńnan astam qandastar men qonys aýdarýshylar (2,6 myń otbasy) óńirlik kvotaǵa engizilgenin jáne qonys aýdarý boıynsha memlekettik qoldaý sharalarymen qamtamasyz etilgenin habarlady.
Mınıstr qazirgi ýaqytta Eńbek jáne halyqty qorǵaý mınıstrligi eńbek ımıgranttary men bosqyndar máseleleri boıynsha fýnksıalardy qabyldaý boıynsha jumysty jalǵastyryp jatqanyn da atap ótti.
«Mınıstrlik Kóshi-qon saıasatynyń kelesi besjyldyqqa damýyn aıqyndaıtyn jańa tujyrymdamasynyń jobasyn ázirledi. Shetelde jumys isteıtin qazaqstandyq azamattardyń quqyqtaryn qorǵaý úshin eńbek mıgranttarynyń eńbek jáne áleýmettik quqyqtaryn qamtamasyz etý týraly ekijaqty kelisimder jasalady», – dedi ol.
Eńbek mınıstri kóshi-qon saıasaty boıynsha óńiraralyq eńbek utqyrlyǵy sheńberinde ońtústikten soltústikke 6,3 myńnan adamnyń qonys aýdarýy, sheteldik jumys kúshin tartý kezinde 3 jáne 4-sanattar boıynsha qyzmetkerler sanyn azaıtý, qazaqstandyq jáne sheteldik jumyskerler arasynda eńbekaqy tóleýdegi sáıkessizdikterge jol bermeý jóninde aldyn alý sharalaryn qabyldaý 2022 jyldaǵy basty mindetimiz deıdi.