Jastar arasyndaǵy jumysyzdyq máselesi sheshiledi dep senedi.
Jyl sońynda jastardy jumyspen qamtı almaǵan ákimder jumysyna qorytyndy berilýi múmkin. Qasym-Jomart Toqaev Úkimettiń keńeıtilgen otyrysynda osylaı aıtty, dep habarlaıdy Almaty-akshamy.kz Almaty.tv cilteme jasap.
Memleket basshysynyń aıtýynsha, elimizde áli kúnge eki qolǵa bir kúrek tappaı júrgen jas býyn qatary azaımaı tur. Prezıdenttiń jumyspen qamtý máselesin tolyq sheshý kerek degeni respýblıka jastaryn erekshe qýantty. Aıtýynsha, Memleket basshysynyń ózi kóńil bólse, jyldar boıǵy másele sheshimin tabýy múmkin.
«Rasynda da, bul bir kúrdeli suraq. Qazaqstanda ǵana emes, basqa elderde de bar. Ony sheshý úshin Prezıdent Úkimetke naqty jyldyń sońyna deıin ýaqyt bergen. Jastardyń búgingi kúni bolashaǵy bizdiń ekonomıkalyq damýymyzǵa baılanysty. Sol úshin meniń oıymsha, ol óte mańyzdy kúrdeli suraq», – dedi Qazaqstan Jastar kongresiniń atqarýshy dırektory Toqtar Bolysov.