2022 jyldyń 12 qarashasynda QR Prezıdenttigine Jalpyulttyq sosıal-demokratıalyq partıasy atynan kandıdat Nurlan Áýesbaev Aqmola oblysy Aqkól qalasynda saılaýshylarmen kezdesý ótkizdi.
İs-shara barysynda jınalǵan qaýymǵa saılaýaldy baǵdarlamasynyń basym baǵyttary jóninde baıandady.
Nurlan Áýesbaevtyń pikirinshe, Qazaqstan birqatar saıası reformalardy júzege asyrýy qajet.
Birinshi kezekte, prezıdenttik bılikten bas tartýymyz kerek. Memleket basshysy qyzmetteriniń bir bóligin májiliske berip, onyń qýatty ári táýelsiz organ bolýyna jaǵdaı jasaý qajet. Áýesbaevtyń pikirinshe, májilis úkimetti qurýy tıis.
Reformalar ishinde búdjettik prosedýralardy jetildirý usynysy da bar. Ár eldi mekende ózine tıesili ashyq búdjet jasaqtalyp, naqty ýaqyt rejıminde onlaın túrde memleket aqshasynyń qalaı jáne qaıda jumsalyp jatqandyǵy ashyq kórsetilip otyrýy kerek.
Sonymen birge Nurlan Áýesbaev zańsyz baıýǵa qatysty jazany qatańdatýdy usyndy. Kandıdattyń pikirinshe, paraqorlarmen kúrestiń jalǵyz tıimdi ádisi osy.