Qazaqstannyń 11 oblysynda kóktaıǵaq pen jeldiń kúsheıýine baılanysty eskertý jarıalandy, dep habarlaıdy Almaty-akshamy.kz «Qazgıdromet» RMK-ǵa silteme jasap.
14 qarashada Ulytaý oblysynyń soltústiginde qatty jaýyn-shashyn (jańbyr, qar) kútiledi. Oblystyń basym bóliginde burqasyn, kóktaıǵaq bolady. Ońtústik-batys, ońtústikten soǵatyn jel ekpini sekýndyna 23-28 metrge jetedi.
Qyzylorda oblysynda ońtústik-batystan soǵatyn jeldiń kúshi 15-20, ekpini sekýndyna 23-28 metrge jetedi.
Soltústikte, Shyǵys Qazaqstan oblysynyń ortalyǵynda baıaý burqasyn, kóktaıǵaq kútiledi. Túnde jáne tańerteń oblystyń soltústik-shyǵysynda tuman kútiledi. Ońtústik-shyǵystan soǵatyn jel batysta, soltústikte, ortalyqta sekýndyna 15-20 metrge jetedi.
Kúndiz Aqtóbe oblysynyń soltústiginde burqasyn, kóktaıǵaq kútiledi. Batystan, soltústik-batystan soǵatyn jeldiń ekpini 15-20 m/s jetedi.
Batysta, soltústikte, Abaı oblysynyń ortalyǵynda baıaý burqasyn, kóktaıǵaq kútiledi. Túnde jáne tańerteń oblystyń ońtústiginde tuman túsedi.
Shymkentte ońtústik-batystan soǵatyn jeldiń kúshi 15-20, tańerteń jáne kúndiz ekpini sekýndyna 25 metrge jetedi.
Atyraý oblysynda batystan, soltústik-batystan soǵatyn jeldiń kúshi 15-20, ekpini sekýndyna 23 metrge jetedi.
Batys Qazaqstan oblysynda soltústiginde, shyǵysynda burqasyn, kóktaıǵaq kútiledi. Soltústik-batystan soǵatyn jeldiń kúshi - 15-20, ekpini - 23 m/s.
Qostanaıda 14 qarashada ońtústik-batystan soǵatyn jel soltústik-batysqa aýysady, kúshi - 15-20, ekpini sekýndyna 23-28 metr.
Soltústik Qazaqstan oblysynyń basym bóliginde jaýyn-shashyn (jańbyr, qar) kútiledi. Oblystyń soltústiginde, batysynda kóktaıǵaq kútiledi. Ońtústikten jel soǵady, túnde 15-20, ekpini sekýndyna 23-28 metrge, kúndiz oblystyń ońtústiginde, shyǵysynda ekpini sekýndyna 15-20 metrge jetedi.
Mańǵystaý oblysynda soltústik-batystan 15-20, oblystyń batysynda ekpini sekýndyna 23 metr bolatyn jel soǵady.