Memleket basshysy Qazaqstan Respýblıkasynyń qarjylyq turaqtylyǵyn qamtamasyz etý sharalary týraly qaýlyǵa qol qoıdy, dep habarlaıdy Almaty-akshamy.kz Aqordaǵa silteme jasap.
Qazaqstan Respýblıkasynyń ulttyq múddelerin qorǵaý jáne Qazaqstan Respýblıkasynyń qarjylyq turaqtylyǵyn qamtamasyz etý maqsatynda QAÝLY ETEMİN:
1. Qazaqstan Respýblıkasynan:
1) Qazaqstan Respýblıkasynyń Ulttyq Banki áketý kúnine belgilegen baǵam boıynsha eseptelgen jáne 10 000 (on myń) AQSH dollary balamasynan asatyn somadaǵy qolma-qol shetel valútasyn jáne (nemese) shetel valútasyndaǵy aqsha quraldaryn;
2) Qazaqstan Respýblıkasynyń Ulttyq Banki shyǵaratyn affınırlengen altynnyń 5, 10, 20, 50 jáne 100 gram altyn quımalaryn jáne altynnan jasalǵan «ALTYN BARYS» jáne kúmisten jasalǵan «KÚMIS BARYS» ınvestısıalyq monetalaryn, sondaı-aq 100 gramnan astam affınırlengen altyndy áketýge tyıym salynsyn.
2. Qazaqstan Respýblıkasynyń Úkimeti Qazaqstan Respýblıkasynyń Ulttyq Bankimen jáne basqa da múddeli memlekettik organdarmen birlesip osy Jarlyqty iske asyrý jóninde qajetti sharalar qabyldasyn.
3. Osy Jarlyq resmı jarıalanǵan kúninen bastap kúshine enedi.
Qazaqstan Respýblıkasynyń Prezıdenti Q.Toqaev
Nur-Sultan, Aqorda, 2022 jylǵy 14 naýryz
№ 830