Úkimet aldaǵy eki aıdyń ishinde Qazaqstannan shetelge zańsyz shyǵarylǵan qarjyny qaıtarý jóninde usynys ázirleýi kerek. QR Prezıdenti Qasym-Jomart Toqaev Úkimetke osyndaı tapsyrma berdi, dep habarlaıdy Almaty-akshamy.kz QazAqparatqa silteme jasap.
Prezıdent qoǵam bolyp tabysty ádil bólisý máselesinde ymyraly paıym qalyptastyrý mańyzdy ekenin aıtty.
«Bul - bılik pen qoǵamnyń áleýmettik-ekonomıkalyq aspektilerdi, memlekettik saıasat, ulttyq biregeılik, jastardy tárbıeleý sıaqty máselelerdi qozǵaıtyn ortaq mindeti», - dedi Qasym-Jomart Toqaev.
Sonymen birge, ol shetelge zańsyz shyǵarylǵan qarajatty elge qaıtarý máselesine toqtaldy.
«Úkimetke eki aı merzim ishinde shetelge zańsyz áketilgen qarjy men onda satyp alynǵan aktıvterdi elge qaıtarý jóninde usynystar berý mindeti júkteledi», - dedi Memleket basshysy.