Qozǵalys qataryna ár aımaqtan ártúrli uıym kire alady.
Prezıdent saılaýy qarsańynda táýelsiz «Baqyla» qoǵamdyq qozǵalysy quryldy, dep habarlaıdy Almaty-akshamy.kz Almaty.tv silteme jasap.
Belgili saıasattanýshylar men qoǵam belsendilerinen qurylǵan uıym táýelsiz baqylaýshylardy oqytyp, saılaýǵa daıyndaıdy. Oqytý kýrsy búkil el aýmaǵynda, ıaǵnı 20-dan astam qalada oflaın jáne onlaın túrde ótedi. Dáriste saılaý prosesiniń búge-shúgesi túsindirilip, quqyqtyq bilim beriledi. Sabaq áleýmettik jelilerge júktelip, tegin taratylady.
«Eń basty maqsatymyz – azamattardyń daýysynyń burmalanyp ketpeýin, urlanbaýyn, qoqys jáshiginde jatpaýyn, búletenderdi ysyrap etpeýdi qadaǵalaý. Bul – bir. Saılaý ýchaskelerine qansha azamat qatysty, zań buzýshylyq bolǵan joq pa, baqylaýshylarǵa qysym jasaldy ma? Ekinshiden, maqsat – baqylaýshynyń quqyǵyn qorǵaý», – dedi saıasattanýshy, Baqyla qoǵamdyq qozǵalysynyń uıymdastyrýshysy Asqat Qasenǵalı.
Qozǵalys qataryna ár aımaqtan ártúrli uıym kire alady. Saıası naýqan týraly bilimin jetildirgisi keletin táýelsiz baqylaýshylar 18 jasqa tolǵan jáne eshqandaı partıaǵa múshe bolmaýy kerek. Jalpy, bastamashy top elimizde 10 myńnan asa saılaý ýchaskesi bolady dep topshylasa, sonyń 3 myńyn sapaly, saýatty baqylaýshylarmen qamtýdy kózdep otyr.
«Qoǵamymyz bul saılaýdyń ashyq, ádil ári lıgıtımdi ótkenin qalaıdy. Sondyqtan birneshe azamat bolyp birigip, bul prosestiń zańdy ótýine atsalysýdy jón kórdik. Baqylaýshylardy onlaın oqytamyz. Bizdiń qyzmetimiz saılaý aıaqtalǵan kúni bitedi», – dedi jýrnalıs, pýblısıs Bıgeldi Ǵabdýllın.