Dúnıejúzilik densaýlyq saqtaý uıymy pandemıa 2022 jyly da jalǵasýy múmkin ekenin eskertti
Álemdegi kedeı elderge vaksına jetpeı jatyr. Sol sebepti de DDSU bas dırektorynyń aǵa keńesshisi Brús Eılvard koronavırýs pandemıasy 2022 jyly jalǵasýy múmkin ekenin aıtty. Bir jaǵynan, DDSU ókiliniń aıtýynsha, damyǵan elder eń kedeı aımaqtardy dári-dármekpen qamtamasyz etý boıynsha mindettemelerin oryndamaıdy, dep habarlaıdy Almaty-akshamy.kz
«Jeńe almaıtynymyzdy senimdi túrde aıta alamyn. Jedeldetýimiz kerek, áıtpese, ne bolatynyn bilesiz be? Pandemıa aıaqtalýy kerek ýaqyttan sozylyp ketedi»,- dep túsindirdi Eılvard.
Sarapshynyń aıtýynsha, eger álemniń kóptegen elderinde turǵyndardyń 40 paıyzǵa jýyǵy nemese odan da kóbi vaksına alsa, Afrıkada qazir halyqtyń 5 paıyzdan azy ǵana koronavırýsqa qarsy ekpe saldyrǵan.
Sondyqtan, ol baı elderdi farmasevtıkalyq kompanıalar tabysy tómen elderge basymdyq bere alatyndaı etip vaksına kezeginen bas tartýǵa shaqyrdy.