Prezıdent Qasym-Jomart Toqaev Ózbekstan Prezıdenti Shavkat Mırzıóevpen telefon arqyly sóılesti, dep habarlaıdy Almaty-akshamy.kz Akorda.kz-ke silteme jasap.
Prezıdentter bir-birin Jeńis kúnimen quttyqtap, baýyrlas eki memlekettiń halqyna qut-bereke tiledi.
Qasym-Jomart Toqaev pen Shavkat Mırzıóev Qazaqstan men Ózbekstan arasyndaǵy strategıalyq seriktestik pen odaqtastyqtyń qazirgi jaǵdaıyn jáne damý perspektıvalaryn talqylady.
Memleketter basshylary saýda-ekonomıkalyq jáne basqa da salalardaǵy ózara múddege negizdelgen yntymaqtastyqty jandandyrýǵa erekshe mán berdi. Sondaı-aq kópjaqty seriktestikti odan ári jan-jaqty damytýǵa nıettestik bildirdi.
Budan bólek kóshbasshylar aımaqtyq yntymaqtastyqtyń ózekti máselelerin, sonyń ishinde osy jazda ótetin Ortalyq Azıa memleketteri basshylarynyń konsýltatıvtik kezdesýin qarastyrdy.