Isti tergeý údemeli qarqynmen, «qupıalyq» rejıminde jalǵasyp jatyr.
Qańtar oqıǵasyna qatysy bar kúshtik qurylym ókilderiniń isi údemeli qarqynmen, «qupıalyq» rejıminde jalǵasyp jatyr. Bul týraly QR Prezıdenti Qasym-Jomart Toqaev Qazaqstan halqyna Joldaýynda aıtty, dep habarlaıdy Almaty-akshamy.kz QazAqparatqa silteme jasap.
«Kúsh qurylymdarynyń ókilderi men olardyń sybaılastarynyń astyrtyn kelisimi jónindegi isti tergeý údemeli qarqynmen, «qupıalyq» rejıminde jalǵasyp jatyr. Aldymyzda kýágerlermen, saraptama júrgizý, túrli derekterdi zerdeleý boıynsha úlken jumys kútip tur. Bir nárseni aıta alamyn. Joǵary basshylyqty yǵystyryp, ony halyq pen álem qaýymdastyǵy aldynda dıskredıtteýdi maqsat etken aýqymdy, ár tetigine deıin oılastyrylǵan operasıa boldy», - dedi Memleket basshysy.
Onyń aıtýynsha, qastandyq uıymdastyrýshylar bul maqsatqa Almaty qalasyn erekshe maqsatta paıdalanbaq bolǵan.
«Osy maqsatqa jetý úshin astyrtyn kelisim jasaýshylar oılanbastan bizdiń eń iri qalamyz — Almatyda haos ornatý, adamdardyń kóńiline úreı uıalatý, eldegi ahýaldy turaqsyzdandyrý týraly tapsyrma alǵan, kásibı daıyndalǵan jaýyngerlerdi qoldandy. Sondyqtan bul qaıǵyly oqıǵalarǵa kináli adamdardyń bári olar qoǵamda qandaı laýazym men bedelge ıe ekenine qaramastan, jaza arqalaıtynyna sendiremin», - dedi Qasym-Jomart Toqaev.