Internettegi alaıaqtyqqa, esirtki bıznesine jáne uıymdasqan qylmysqa qarsy kúres kúsheıtildi
Memleket basshysy Qasym-Jomart Toqaev İshki ister mınıstri Marat Ahmetjanovtyń baıandamasyn tyńdady, dep habarlaıdy Almaty-akshamy.kz Aqordaǵa silteme jasap.
Prezıdentke quqyqbuzýshylyqtardyń aldyn alý, qylmystardy ashý, tergeý bólimsheleriniń jumysyn uıymdastyrý, uıymdasqan qylmysqa qarsy kúresý, jeke quram arasynda tártip pen zańdylyqty nyǵaıtý úshin qabyldanyp jatqan sharalar jóninde málimet berildi.
Qasym-Jomart Toqaevqa Qazaqstan halqyna Joldaýynda aıtylǵan tapsyrmalarynyń oryndalý barysy týraly baıandaldy. Atap aıtqanda, ınternettegi alaıaqtyqqa, esirtki bıznesine jáne uıymdasqan qylmysqa qarsy kúres kúsheıtildi. Otbasylyq-turmystyq janjaldan týyndaıtyn quqyqbuzýshylyqtardyń aldyn alý máselelerine erekshe kóńil bólinip otyr.
Sondaı-aq Marat Ahmetjanov Reseı Federasıasy azamattarynyń elimizge kelýine baılanysty ishki ister organdary qabyldap jatqan sharalar týraly aıtty.
Budan bólek Memleket basshysyna İshki ister mınıstrliginiń búrokratıadan aryltý, sıfrlandyrý jáne jumys prosesin avtomattandyrý, ishki rásimderdi ońtaılandyrý baǵytynda atqaryp jatqan qyzmeti týraly aqparat berildi.
Kezdesý qorytyndysy boıynsha Prezıdent elimizdegi quqyqtyq tártip pen qoǵamdyq qaýipsizdik deńgeıin odan ári arttyrýǵa, sondaı-aq kóshi-qon máselesine tıimdi baqylaý júrgizýge baǵyttalǵan birqatar tapsyrma berdi.