Prezıdent dıplomattarǵa tabys tiledi.
«Aqorda» rezıdensıasynda 3 memlekettiń tótenshe jáne ókiletti elshileriniń Qazaqstan Prezıdentine senim gramotalaryn tapsyrý rásimi ótti, dep habarlaıdy Almaty-akshamy.kz Aqordaǵa silteme jasap.
Senim gramotalaryn Amerıka Qurama Shtattarynyń elshisi Denıel Rozenblúm, Serra-Leone Respýblıkasynyń elshisi Muhamed Iongavo jáne Moldova Respýblıkasynyń elshisi Lılıan Darıı tapsyrdy.
Prezıdent dıplomattardy Qazaqstandaǵy resmı mısıalarynyń bastalýymen quttyqtap, olar ózderiniń kásibı tájirıbelerimen jáne qajyrly eńbegimen ekijaqty yntymaqtastyqty damytýǵa úles qosatynyna senim bildirdi.
Qasym-Jomart Toqaev dostyq jáne ózara tıimdi qarym-qatynastardy nyǵaıtýǵa baǵyttalǵan beıbit ári ashyq syrtqy saıasat júrgizetinin atap ótti.
Shara sońynda Prezıdent dıplomattarǵa tabys tilep, olardyń memleketteriniń basshylaryna júrekjardy sálemin joldady.