Almatyda ústel tenısinen jastar men jasóspirimder arasyndaǵy respýblıkalyq týrnır ótti.
Bul jarystyń ereksheligi - kil myqtylar qatysty. Qazaqstan reıtıńiniń aldyńǵy ondyǵyna kirgen ul-qyzdar ǵana óner kórsetýge múmkindik aldy, dep habarlaıdy Almaty-akshamy.kz.
Nátıjesinde, 18 jasqa deıingiler arasynda elordalyq Tımofeı Gerasımenko aldyna jan salmaı, jeńimpaz atandy. Ol 14 oıynnyń 11-inde jeńiske jetti. Úzdik úshtikti Almaty men Qaraǵandy sportshylary túıindedi. Qyzdar arasynda taǵy bir qaraǵandylyq Janerke Kóshkimbaeva top jardy. Aıta ketý kerek, kúmis pen qola da dál osy óńirdiń ókilderine buıyrdy.
Al 15 jasqa deıingiler básekesinde shymkenttik Qasym Nurıslam men astanalyq Elızaveta Lavrova birinshi oryn aldy. Qasym 15 kezdesýdiń baryǵynda jeńiske jetse, Elızabeta 14-inde qarsylasynan basym tústi. Endi úzdik tenısshilerden ulttyq qurama jasaqtalyp, aldaǵy halyqaralyq jarystarǵa daıyndyqty bastaıdy.