Búgin elimizde QR Parlamenti Májilisi men barlyq deńgeıdegi máslıhat depýtattarynyń saılaýy ótýde.
Aıryqsha mańyzǵa ıe saıası naýqanǵa «Qazposhta» AQ «Almaty pochtamty» Almaty fılıalynyń qyzmetkerleri de óz ýchaskelerine baryp daýys berip jatyr. Solardyń qatarynda poshta qyzmetkeri Baýyrjan Serbaıuly da bar, dep habarlaıdy Almaty-akshamy.kz.
Áýezov aýdanyna qarasty Qabdolov, 12 mekenjaıynda ornalasqan №167 saılaý ýchaskesinde óz tańdaýyn jasaǵan ol búgingi kúndi elimiz úshin mańyzdy saıası oqıǵa dep esepteıdi.
«Búgin elimiz úshin mańyzdy kún. Meniń oıymsha, árbir azamattyń saılaýǵa qatysýy eldiń damýyna, keleshegimizdiń kemel bolýyna yqpal etedi. Men de egemen elimizdiń bolashaǵy úshin óz tańdaýymdy jasap, daýys berdim», — deıdi poshta qyzmetkeri.