1996 jyly týǵan I.esimdi azamat shaharǵa birneshe aı buryn kelgen.
Almaty hostelderinen urlyq jasaǵan ury ustaldy, – dep habarlaıdy Almaty-akshamy.kz Polisia.kz saıtyna silteme jasap.
Almaly aýdandyq Polısıa basqarmasynyń málimeti boıynsha, 1996 jyly týǵan I.esimdi azamat shaharǵa birneshe aı buryn kelgen. Ol hostelge toqtaǵan, biraq ol jerde birneshe kúnnen artyq jatpaǵan. Osy ýaqyt ishinde ol qonaqtardy muqıat ańdyp, birneshe urlyq jasap úlgergen.
«Barlyq qalta urylary sıaqty, kúdikti de jábirlenýshilerge baıqatpaı qaltalary men sómkelerinen baǵaly zattardy urlaǵan. Urlyqtyń basym bóligi túnde, ıaǵnı turǵyndar uıyqtap jatqanda jasalǵan. Qazirgi ýaqytta ustalǵan azamat jasaǵan bótenniń múlkin urlaýdyń bes epızody dáleldendi. Olardyń odan da kóp bolýy múmkin ekenin joqqa shyǵarmaımyz, onyń basqa da osyǵan uqsas múliktik qylmystarǵa qatysy bar-joǵy tekserilýde», – dedi Almaly aýdandyq PB basshysy Esen Ysqaqov.
Belgili bolǵandaı, 25 jastaǵy kúdikti buǵan deıin de osyndaı qylmys jasaǵany úshin sotty bolǵan. Qazir uryǵa qatysty QR QK-niń 188-baby boıynsha sotqa deıingi tergeý amaldary júrgizilýde.