Kórmede Elbasyn ulyqtaý rásimindegi tóselgen aq kıiz bar
Túrkıa astanasynda ótken kórmede Qazaqstannyń qalyptasýynyń mańyzdy kezeńderin baıandaıtyn 400-den astam eksponat qoıyldy. Olardyń ishinde ulttyq kıimder, Qazaqstan tarıhy boıynsha azattyq úshin kúrestiń túrli kezeńderindegi jádigerleri usynylǵan. Tipti elimizdiń Tuńǵysh Prezıdenti – Elbasyn ulyqtaý rásiminde tóselgen aq kıiz de bar. Al «Túrki birligi» bóliminde Qazaqstan men Túrkıa arasyndaǵy ekijaqty qarym-qatynastyń joǵary deńgeıi kórsetilgen.
«Ulttyq kitaphana shańyraǵynda osyndaı kórmeniń ótip otyrǵanyna qýanyshtymyz. Bul jer – Túrkıanyń eń úlken kitaphanasy», - dedi Túrkıa prezıdenti ákimshiligi janyndaǵy ulttyq kitaphana dırektory Aıhan Týǵlý.
Sonymen qatar «Túrki álemi: tarıh, qazirgi zaman, bolashaq» halyqaralyq konferensıasy ótti. Oǵan belgili saıası jáne qoǵam qaıratkerleri jınaldy.
Aıta keteıik, qos shara da Qazaqstan táýelsizdiginiń 30 jyldyǵyna oraılastyrylǵan.
«Qos sharanyń Qazaqstan táýelsizdiginiń 30 jyldyq mereıtoıy qarsańynda Túrkıada ótýi kezdeısoqtyq emes. Sebebi Túrkıa – táýelsizdigimizdi birinshi bolyp moıyndaǵan, bizdi árdaıym qoldap kele jatqan baýyrlas halyq», - dedi QR Tuńǵysh Prezıdenti – Elbasy kitaphanasynyń dırektory Baqytjan Temirbolat