Mýltımedıalyq portal júıesi bar
Bul týraly «Jelmaıa» jobasyna suhbat bergen «Jolaýshylar tasymaly» AQ resmı ókili Mádı Muhamedqalı málimdedi, dep habarlaıdy Almaty-akshamy.kz BAQ.KZ-ke silteme jasap.
Sondaı-aq elimizdiń keń baıtaq dalasyn saıahattaǵan jolaýshy poıyzda zerikpes úshin ınternet ornatyla ma degen máselege toqtaldy.
«Wi-Fi ornatý máselesine kelsek, ony Sıfrlyq damý mınıstrligi qarastyrǵany durys dep oılaımyn. Biz poıyzda ınternet qosylyp jatsa, árıne qarsy emespiz», - dep aǵynan jaryldy kompanıanyń resmı ókili.
Aıtýynsha, Talgo poıyzymen jolǵa shyqqandar úshin arnaıy portal jumys istep tur.
«Talgoda ınternet emes, mýltımedıalyq portal dep atalatyn óziniń arnaıy júıesi bar. Sol arqyly jolda kele jatyp kıno, múltfılm, baǵdarlamalardy tamashalaýǵa bolady. Aıta keterligi, ol jerde ulttyq baǵyttaǵy fılmder kóp júktelgen. Ulttyq kınolardy biz kórsetpesek, basqa kim kórsetedi degen oımen solaı jasaldy», - deıdi Mádı Muhamedqalı.