«Koto-Koto» stadıonynda «Hýventýd Bellavısta» men «Famılıa Chokka» komandalarynyń arasynda ótken mach barysynda naızaǵaı túsip, bir oıynshy jaraqat aldy, dep habarlaıdy aqshamnews.kz.
Oqıǵa kezdesýdiń 23-mınýtynda órbigen. Ýankaıo qalasynda ótken mach kezinde, fýtbolshylar daýyl turýyna baılanysty alańnan shyǵyp jatqanda naızaǵaı túsken. Naızaǵaı qaqpashymen birge turǵan qorǵaýshynyń ústine túsken. Vıdeojazbada naızaǵaı túskennen keıin alańda segiz fýtbolshynyń qulaǵany kórinedi.
39 jastaǵy qorǵaýshy Ýgo de la Krýs sol sátte qaıtys boldy. 40 jastaǵy qaqpashy Hýan Choka aýyr kúıikpen jedel aýrýhanaǵa jetkizildi. Naızaǵaıdan zardap shekken basqa oıynshylardyń jaǵdaıy týraly málimetter ázirshe belgisiz.