Brıtanıa patshaıymy İİ Elızaveta koronavırýs juqtyrdy, dep habarlaıdy almaty-akshamy.kz QazAqparatqa silteme jasap.
Agenttiktiń jazýynsha, patshaıymǵa azdap sýyq tıgen. Alaıda saraıdaǵylar osy aptada onyń Vındzordaǵy qyzmetin jalǵastyratynyn málim etti.
«Oǵan medısınalyq kómek kórsetilip, barlyq qajetti talaptardy oryndaıdy», - delingen málimdemede.
Patshaıymǵa vaksına salyndy
İİ Elızaveta 95 jasta. Ol óziniń úlken uly jáne murageri Ýels hanzadasymen baılanysta bolǵany belgili. Al ótken aptada hanzadadan alynǵan synama qorytyndylary onyń koronavırýsqa shaldyqqanyn rastap shyqqan.
2021 jyldyń 9 qańtarynda patshaıym İİ Elızaveta koronavırýsqa qarsy alǵashqy vaksınasyn alǵany habarlandy.
Koróldik saraıdaǵy BBC tilshisi Nıkolas Vıchelldiń aıtýynsha, patshaıym vaksınanyń tolyq kýrsynan ótken.
2022 jyldyń 6 aqpanynda İİ Elızaveta patshaıym taqtaǵy platına mereıtoıyn atap ótti. Ol 70 jyl bılik etken tarıhtaǵy alǵashqy brıtandyq monarh boldy.
Patshaıymnyń platına mereıtoıyn toılaýy birshama ýaqytqa sozylady jáne onyń sharyqtaý shegi jazdyń basyna josparlanǵan: Ulybrıtanıada 2-5 maýsym jalpyǵa ulttyq demalys kúnderi bolyp jarıalandy.