Paralımpıada-2021 oıyndaryn qazaqstandyq sportshylar 5 júldemen aıaqtady
5 qyrkúıekte Japonıa astanasyndaǵy ulttyq stadıonda jarystyń jabylý saltanaty ótti, dep habarlaıdy Almaty-akshamy.kz
Paralımpıada 24 tamyzda bastaldy. Sportshylar 22 sport túri boıynsha 539 medaldar jıyntyǵyna talasty. Jalpy komandalyq esepte İ oryndy Qytaı sportshylary jeńip aldy. Olardyń enshisinde 96 altyn, 60 kúmis jáne 51 qola medal bar. Ulybrıtanıalyq sportshylar İİ oryndy ıelendi (41, 38, 45), myqtylardyń úshtigin amerıkalyqtar túıindedi (37,36, 31).
Aıta ketsek, qazaqstandyq sportshylar Paralımpıada-2020 oıyndaryn bes medalmen aıaqtady, bul - ulttyq quramanyń tarıhyndaǵy eń jaqsy nátıje.
Paýerlıftıngshi Davıd Degtárev altyn, dzúdoshylar Ánýar Sarıev, Temirjan Dáýlet pen Zarına Baıbatına kúmis, sýǵa júzýshi Nurdáýlet Jumaǵalı qola medal aldy.