Almaty qalalyq statısıka departamenti qala turǵyndary men qonaqtaryn sanaq kezinde sanaqshynyń atyn jamylǵan alaıaqtardan saq bolýǵa shaqyrady.
Sebebi 1 qyrkúıekten bastap sanaq.gov.kz saıtynda sanaq onlaın ótip jatyr, dep habarlaıdy Almaty-akshamy.kz
«Úshinshi tulǵalar tarapynan alaıaqtyq is-áreketterdi boldyrmaý úshin esterińizge salamyz: 1 qyrkúıekten bastap sanaq.gov.kz saıtynda sanaq onlaın ótip jatyr, sondaı-aq, pikirterim egov.kz saıty men aitu qosymshasy arqyly qoljetimdi. Sanaq boıynsha ıntervúerlermen úı sharýashylyqtaryna barý aǵymdaǵy jyldyń 1 qazanynda bastalady. Halyqqa pikirterim júrgizý úı sharýashylyqtaryna ıntervúer jeke ózi barǵan jaǵdaıda ǵana júrgiziletin bolady. Intervúer mindetti túrde tıisti kýálik usynady. Saq bolyńyz jáne bóten adamdarǵa ózińiz týraly derekter usynbaýyńyzdy suraımyz», - delingen atalmysh departament taratqan habarlamada.