Apatqa avtobýs júrgizýshisiniń uıyqtap ketýi sebep bolýy múmkin.
Pákistannyń ońtústik-batysyndaǵy Belýjıstan provınsıasynda avtobýs apatqa ushyrap, 41 adam qaza tapty, dep habarlaıdy Almaty-akshamy.kz QazAqparatqa silteme jasap.
Álemdik aqparat agenttikteriniń úkimet ókilderine silteme jasap habarlaýynsha, avtobýs kópirdiń tireýishine soǵylyp, jyraǵa qulaǵan jáne órtengen.
Apat ornyna barǵan Belýjıstan provınsıasyndaǵy Lasbela okrýgi ákimshiligi basshylyǵynyń ókili qaza tapqandardyń kóbin taný múmkin emestigin, ol DNQ taldaýy arqyly anyqtalatynyn jetkizdi.
Avtobýsta 48 adam bolǵan. Ol provınsıanyń ákimshilik ortalyǵy – Kvetta qalasy men Pákistannyń ońtústigindegi Karachı portty qalasy arasynda júrip bara jatqan. Bılik málimetine sáıkes, 3 adam qutqarylǵan.
Lasbela okrýgi ákimshiligi ókiliniń aıtýynsha, apatqa avtobýs júrgizýshisiniń uıyqtap ketýi sebep bolýy múmkin.
Buǵan deıin Pákistannyń Haıber-Pahtýnhva provınsıasynda keme aýdarylyp, 10 oqýshynyń sýǵa batyp ketkeni habarlanǵan edi.