Astanada gazoblok shyǵaratyn sehta iri órt boldy, dep habarlaıdy Aqshamnews.kz.
Tótenshe jaǵdaılar mınıstrliginiń málimetinshe, dúısenbi kúni qaladaǵy Aqsaı kóshesinde ornalasqan óndiris ornynda órt shyqqan. Tilsiz jaý 500 sharshy metr aýmaqty sharpyǵan.
«Anyqtalǵan derekter boıynsha gazoblok óndiretin sehtyń shatyry janǵan. Órt tolyqtaı sóndirildi», – delingen mınıstrliktiń habarlamasynda.
Órt Baıqońyr aýdanynda joǵary dárejeli shaqyrtý boıynsha sóndirildi. Oqıǵa ornynda jedel shtab qurylyp, tórt jaýyngerlik bólimshe jumys istedi.