50 zarádtaý stansıasy bar
Ózbekstan prezıdenti Shavkat Mırzıóev aldaǵy eki jylda elektromobılderdiń tanymal úlgilerin shyǵarýdy jolǵa qoıyp, servıstik ınfraqurylymdy keńeıtýdi tapsyrdy, dep habarlaıdy Almaty-akshamy.kz Ózbekstan prezıdentiniń baspasóz qyzmetine silteme jasap.
Ózbekstan basshysy elektromobıl ónerkásibin damytý jobalarymen tanysý barysynda tanymal úlgilerdi shyǵarý jolynda tájirıbesi bar sheteldik kompanıamen birlesken kásiporyn qurý qajet ekenin atap ótti.
Sonymen qatar, elektr toǵynan qýat alyp júretin kólikter tıisti ınfraqurylymnyń bolýyn talap etetini atap ótildi. Qazir elde bar bolǵany 50 zarádtaý stansıasy bar. Olar negizinen Tashkent pen Samarqanda ornalasqan. Elektrmen júretin kólikterge qyzmet kórsetý ortalyqtary joq.
Osyǵan baılanysty, aldaǵy eki jylda kólik turaqtary, janar-jaǵarmaı quıý stansıalary men kúre joldarda 2 myń zarádtaý stansıasyn ornatý mindeti qoıyldy.
Bul stansıalar jer salyǵy, múlik jáne paıda salyǵyn jeńildetedi. Zarádtaý stansıalary bar kásipkerler elektr energıasyn erkin baǵamen sata alady.