Ózbekstan Respýblıkasy Olıı Májilisi jumys isteıtin turǵyndardyń koronavırýsqa qarsy mindetti vaksınalanýyna quqyqtyq negiz beretin zań jobasyn maquldady, dep habarlaıdy almaty-akshamy.kz coronavirus2020.kz saıtyna silteme jasap.
Vedomstvonyń baspasóz qyzmetiniń habarlaýynsha, búgin plenarlyq otyrysta depýtattar Ózbekstan Respýblıkasynyń «Ózbekstan Respýblıkasynyń keıbir zańnamalyq aktilerine turǵyndardyń sanıtarlyq-epıdemıologıalyq jaǵdaıyn qamtamsyz etýge baǵyttalǵan ózgerister men tolyqtyrýlar engizý týraly» zańyn maquldady.
Qujat Prezıdent qol qoıǵan soń jumys isteıtin turǵyndardy mindetti vaksınalaý isine zańdy negiz qalaıdy. Osy qujattyń qabyldanýyna oraı «Azamattardyń densaýlyǵyn qorǵaý týraly» zań men Eńbek kodeksine túzetýler engiziledi.
Halyq qalaýlylarynyń pikirinshe, zań kúshine ense, qoldanystaǵy zańnamadaǵy qaıshylyqtar joıylyp, turǵyndardy jappaı vaksınalaý jumysyn uıymdastyrýdyń zańdy negizderi nyǵaıady.
Aıta keteıik, respýblıkada epıdemıologıalyq jaǵdaıdyń kúrdelenýine baılanysty 17 shilde kúni Koronavırýs boıynsha arnaıy komısıa saýda, qoǵamdyq tamaqtaný, qyzmet kórsetý, bilim berý salalarynda jumys isteıtin 18 jastan asqan azamattardy mindetti vaksınalaý jóninde sheshim qabyldady.
Vaksınalaýǵa atalǵandarmen qatar áskerıler men quqyq qorǵaý organynyń ókilderi de jatady. Osy maqsatta azamattardyń atalǵan kategorıalary saýyqtyrý ekpeleriniń Ulttyq kúntizbesine engizildi.