Ispanıanyń Valensıa aımaǵynda surapyl orman órti jurttyń berekesin qashyrdy, dep habarlaıdy Almaty-akshamy.kz «Habar 24»-ke silteme jasap.
Tilsiz jaý eldi mekenderge taıap, turǵyndarǵa qaýip tóndire bastaǵan. Myńdaǵan adam shuǵyl túrde evakýasıalandy. Jalyn osy ýaqytqa deıin 7 myń gektardan astam jerdi jalmaǵan. Alapat órtten Ispanıa ǵana zardap shekpedi. Bıyl tilsiz jaý kúlli eýropany sharpydy.
"Eýropa Pres" agenttigi keltirgen derekke súıensek, bıyl Rýmynıada 250 myń gektar, Portýgalıada 75 myń, Fransıada 60 myń gektardan astam orman alqaby kúlge aınalǵan. Al jalpy eýropalyq odaq aýmaǵynda 658 myń gektar jasyl jelek janyp ketken.