Ár adam Jańa jyldan jaqsylyq kútedi, al kishkentaı baldyrǵandar Aıaz atanyń táttiler men syılyqtar beretinine senedi.
Almaty qalasyndaǵy memlekettik qýyrshaq teatrynda áskerı qyzmetshilerdiń balalaryna arnalǵan Ulttyq ulannyń «Ońtústik» óńirlik qolbasshylyǵy qolbasshysynyń shyrshasy ótti. Qýyrshaq teatrynyń artıseri balalardy birden qushaqqa alyp, baýrap áketti. Keıipkerleri kóp sıqyrly álemge tap bolǵan balaqaılar jańajyldyq sahnadan kóz almaı, tapjylmaı tamashalady. Ertegi keıipkerleri balalarmen birge ınteraktıvti oıyn oınap, án de salyp, shyr aınala bı de bıledi. Jańajyldyq merekeniń qyzyqty ótkeni sonshalyq, qyzyqqa kómilgen balalar ár kórinis saıyn máz bolyp, dý etkizip qol shapalaqtap, sát saıyn shattanyp otyrdy.
Jańajyldyq is-sharada «Ońtústik» óńirlik qolbasshylyǵy qolbasshysynyń tárbıe jáne áleýmettik-quqyqtyq jumystar jónindegi orynbasary, polkovnık Nıaztaı Álkeshev búldirshinderge qolbasshynyń jáne qalalyq máslıhat depýtaty Shýhrad Shardınovtyń atynan syılyqtar tabys etti.
Sondaı-aq, shyrsha merekesine óńirlik qolbasshylyqta qyzmet atqarǵan ofıser marqum Aslan Abjanovtyń qyzy Amıra da arnaıy shaqyrylyp, general-maıor Talapker Ámireevtiń atynan syılyq tabystaldy.