Qazaqstan musylmandary dinı basqarmasynyń habarlaýynsha, bıyl Ramazan aıy 30 kúnge sozylady. 11 naýryz alǵashqy kúni bolsa, 9 sáýir – sońǵy kúni. 10 sáýirde oraza aıty merekesi bastalady. Sáýirdiń 5-sinen 6-syna qaraǵan túni – Qadir túni.
Bıyl pitir mólsheri 640 teńge bolyp belgilendi. Pitir sadaqanyń mólsheri Qazaqstan boıynsha 2 keli unnyń ortasha baǵasymen esepteldi. Al unnyń baǵasy QMDB-nyń qala jáne oblys ókildikteriniń bergen málimeti negizinde anyqtaldy. Pitir sadaqasyn qurma, meıiz baǵasymen de berýge bolady.
Oraza nıeti: Alla Taǵalanyń razylyǵy úshin tań atqannan kún batqanǵa deıin Ramazan aıynyń orazasyn ustaýǵa nıet ettim.Aýyzashar duǵasy: Ýa, Jaratqan Iem! Seniń razylyǵyń úshin oraza ustadym, Saǵan ıman keltirdim, Saǵan táýekel ettim, Sen bergen rızyqpen aýyz ashtym. Ýa, keshirimdi Alla! Meniń aldyńǵy jáne sońǵy kúná-kemshilikterimdi keshir!
