Negizgi túsirilimder Almaty oblysy Kegen aýdany Jalańash aýylynyń mańynda ótti
«Qazaqfılm» AQ-nyń baspasóz qyzmetiniń aqparaty boıynsha, sońǵy túsirilimder Almaty oblysy Kerbulaq aýdany Balǵaly stansıasynyń mańynda ótti, dep habarlaıdy Almaty-akshamy.kz
Tarıhı kınotýyndyny QR Mádenıet jáne sport mınıstrliginiń tapsyrysy boıynsha Ulttyq kınony qoldaý memlekettik ortalyǵynyń qoldaýymen Sh.Aımanov atyndaǵy «Qazaqfılm» kınostýdıasy túsirdi.
«Búgin biz basty keıipkerdiń Qazaqstanǵa kelgen sátin túsirdik. Bul sahna fılmniń basynda kórsetiledi. Sol úshin eski parovoz ben vagondar «Qazaqstan temir joly» kompanıasy arqasynda osy jerge jetkizildi. Túsirý jumystaryna kún saıyn 50-den astam adam (massovka) qatysty», - dedi fılmniń prodúseri Oljabaı Musabekov.
Prodúserdiń aıtýyna qaraǵanda, fılmniń montajdaý jumystary Býdapesht qalasyndaǵy belgili FOCUSFOX kompanıasynda júrgiziledi. Keıin «Qazaqfılm» kınostýdıasynda týyndynyń orys tilindegi nusqasy daıyndalady.