Prezıdentimizdiń Joldaýyn tyńdap, bolashaqqa degen senimimiz nyǵaıa tústi. Elimizdi aldaǵy ýaqytta oń ózgerister kútip turǵanyn túsindik.
Senat depýtattary sanynyń azaıýy, Ulttyq quryltaı jasaqtalýy, Konstıtýsıalyq sot qurylýy, 30-dan asa bapqa ózgeris engizilýge tıis degeniniń bári – osynyń basty dáleli. Sonymen qatar, depýtattardyń saılaý aldynda bergen ýádelerin oryndaýyn qatań baqylaýǵa alynatyny, árbir istiń nátıjeli bolýyna bastaıtyny anyq.
Men úshin Joldaýdaǵy aıtylǵan eń basty ózgeris – Abaı, Ulytaý jáne Jetisý oblystarynyń qurylýy boldy. Bul kópten beri eldiń kókeıinde júrgen máseleler edi. Oblystardyń qurylýy sol óńirlerdiń qarqyndy damýyna septigin tıgizedi. Ásirese, shalǵaıdaǵy aýyldardyń jaǵdaıy jaqsaryp, turmysy jandana túsedi. Abaı, Shákárim sıaqty zańǵarlar týǵan ordanyń gúldenýine biz de tilekshimiz. Sonymen qatar, Qapshaǵaı qalasynyń Dinmuhamed Qonaev atymen atalýy barsha qazaqstandyq azamattardyń qoldaýyna ıe bolady dep senemin.
Prezıdentimizdiń «Men elimniń erteń emes, búgin baqytty bolǵanyn qalaımyn», «Úlken ózgerister aýys-túıis jasaýmen ǵana shektelmeıdi, ózgeristerdi ózimizden bastaýymyz kerek» degeni kúlli otandastarymyzdy birlikke shaqyryp tur. Joldaýdan uqqanymyz, eń bastysy, halyqtyń qalaýy birtindep oryndalyp jatqany. Prezıdentimiz halyqqa Joldaý jasady, endi osylardy iske asyrý úshin barshamyz judyryqtaı jumylaıyq, aǵaıyn!