Ulttyq ekonomıka mınıstri Álibek Qýantyrovtyń sózine qaraǵanda, jańa oblystardy uıymdastyrý sharalary júrgizilip jatyr.
Mınıstrdiń aıtýynsha, jańa oblystarǵa qajet bolsa, qosymsha aqsha bólinedi, dep habarlaıdy Almaty-akshamy.kz
«Prezıdent birinshi jartyjyldyqtyń aıaǵyna deıin oryndaýǵa tapyrma bergen. Áreketter algorıtmi pysyqtaldy. Qaıta qurýǵa túsetin oblystardyń ókilderi qazir Ulttyq ekonomıka mınıstrliginde júr. Olardyń toptary bizdiń toptarmen birge jumys isteýde. Aýmaqtyq bólinis máselesin sheship jatyrmyz», – dedi mınıstr.
Vedomstvo basshysynyń aıtýynsha, qazir jańa oblystardy qurýǵa qajet qarajat eseptelip jatyr.
«Bizde oǵan qajetti rezerv bar. Qazirgi búdjettiń kólemine syıǵyzýǵa tyrysamyz. Biraq qajet bolsa, qosymsha aqsha bólinedi. Óıtkeni jańa ákimshilik-aýmaqtyq birlikter paıda bolady. Ákimdikter, aýdandar qurylyp, shtattar sany bekitiledi. Onyń bárine rezervimiz bar. Ortalyqtyń, naqty aıtqanda, Memleket basshysynyń bastamasy bolǵandyqtan, qajet bolsa, respýblıkalyq búdjetten qosymsha aqsha bólinedi», – dedi Álibek Qýantyrov.