QR QM Memlekettik kirister komıteti «Nur joly» keden beketinde júk avtokólikteriniń toqtap qalýyna qatysty aqparatqa túsinikteme berdi, dep habarlaıdy Almaty-akshamy.kz QR QM Memlekettik kirister komıtetiniń Baspasóz qyzmetine silteme jasap.
BAQ-ta «Nur Joly» keden beketinde júk avtokólikteriniń toqtap qalýy týraly aqparat jarıalandy.
Jarıalanǵan aqparatqa sáıkes, qazaqstandyq azamattardyń taýarlary tıelgen ondaǵan avtokólik quraldary Qytaımen shekaradaǵy – «Nur Joly» keden beketinde 11 kúnnen astam ýaqyt boıy tur.
Búgingi tańda júk avtokólikteriniń jınalýyna jol bermeý úshin búkil syrtqy shekarada «CarGoRuqsat» elektrondy kezegi sátti jumys isteýde.
Óz kezeginde, Memlekettik kirister komıteti «Nur Joly» keden beketinde avtokólik quraldarynyń jınalýy joq ekenin habarlaıdy.
Taýar aınalymy men ótkizý qabiletin arttyrý maqsatynda «Nur Joly» keden beketi táýlik boıy jumys rejımine kóshken.
Sondaı-aq, Memlekettik kirister komıteti QHR-men búkil shekarada avtokólik quraldarynyń jınalýy joq ekenin, barlyq keden beketteri shtattyq rejımde jumys isteıtinin habarlady.
Óz kezeginde, qoldanystaǵy zańnamaǵa sáıkes, taýarlar týraly málimetterdi tekserý jáne alý maqsatynda, durys emes deklarasıalaý táýekelderine kúdik bolǵan jaǵdaıda, keden organdary Eýrazıalyq ekonomıkalyq odaqtyń kedendik shekarasy arqyly ótkiziletin taýarlar men kólik quraldaryna qatysty baqylaýdy júzege asyrýǵa mindetti.
Baqylaý sharalarynyń biri kólik quraldarynda ilespe qujattarda málimdelmegen taýarlardyń bolý táýekelderi bolǵan jaǵdaıda taǵaıyndalatyn jáne kezektilik tártibimen júzege asyrylatyn tekserý bolyp tabylady.